BNP Paribas Open турнирида иккинчи финалчи маълум

Бироз аввал якунига етган 1/2 финалда дунёнинг учинчи ракеткаси бўлиб турган америкалик Кори Гофф WTA рейтингида 9-ўринни эгаллаб турган грециялик Мария Саккарига уч сет натижасига кўра имкониятни бой бериб қўйди - 4/6, 7/6(5), 2/6.

Теннисчиларнинг ўзаро учрашуварида Саккари олдинда бормоқда - 5:3. Икки соату 45 дақиқа давом этган баҳсда Гофф 3, Саккари 1 та эйс зарбасини амалга оширган. Қўшхатолар Корида кўпроқ бўлди - 7 га 3. Мария 6, Гофф 3 та брейкка эришган. 

Энди Мария Саккари BNP Paribas Open турнири бош соврини учун дунёнинг биринчи ракеткаси, польшалик Ига Свёнтекка қарши кортга чиқади.