Бобоусмон Батуров “Сардоба” сув омбори тошқинидан жабрланганлар билан учрашди + ФОТО

Эвакуация қилинган ҳамюртларимиздан 215  нафари Жиззах ихтисослаштирилган  олимпия захиралари мактаб-интернати ётоқхонасига жойлашди. Юртдошларимиз келган куниданоқ  мактаб -интернати рахбарияти томонидан беэътибор қолмади. Уларнинг вақтларини мазмунли ўтазиш мақсадида санитария қоидаларини инобатга олиб, мактаб-интернати мураббийлари томонидан мини футбол, волейбол, стол тенниси каби спорт турлари бўйича мусобақалар ўтказилди. 

Бугун эса ҳамюртларимизнинг кўнглини кўтариш мақсадида Жиззах ихтисослаштирилган олимпия захиралари мактаб-интернати тарбияланувчиси, Жаҳон чемпионати бронза медали соҳиби, Олимпиада йўлланмаси соҳиби Бобоусмон Батуров ташриф буюрди. Учрашув давомида юртдошларимиз ўзининг қизиқтирган саволларига жавоб олишди. Учрашув сўнггида мусобақаларда ғолиб бўлган болажонларга Бобоусмон Батуров томонидан совғалар топширилди.

Дилдора Холбоева тайёрлади