31 авг 15:02
Янгиликлар
Бокс/ММА
Богдан Гусков UFC билан нечта жангга шартнома имзолаганини айтди
2 сентябрь куни UFC промоушенидаги дебютини нишонлайдиган ҳамюртимиз Богдан Гусков нуфузли ташкилот билан нечта жангга шартнома имзолаганини очиқлади.
"Шартномам стандарт кўринишда, яъни 4 та жангга имзо чекканман. Дебютим омадли чиқса, шартнома шартларини қайта кўриб чиқамиз. Менежерим шартноманинг молиявий томонини яхшилаш бўйича музокараларга киришади. Ҳаммаси ўзимга боғлиқ", - деди Гусков сайтимизга берган интервьюсида.
Эслатиб ўтамиз, яримоғир вазн тоифасидаги ҳамюртимиз 2 сентябрь куни тунда Франция пойтахти Париж шаҳрида ўтказиладиган UFC турнирида асли туркиялик, бир неча йилдан бери Швейцария шарафини ҳимоя қилаётган Волкан Оздемирга қарши октагонга кўтарилади.
Olamsport.com сайтининг UFC жангчиси Богдан Гусков билан интервюсини томоша қилинг
Ҳавола :
Манба : olamsport.com
Фикрлар