23 ноя 17:25
Янгиликлар
Бокс/ММА
Богдан Гусковнинг собиқ рақиби Волкан Оздемир UFC Макаода жанг қилди
Хабар берганимиздек, Макаода UFC Fight Night 248 турнири ўтказилмоқда.
Мусобақанинг асосий карди доирасида ярим оғир вазн тоифасида швейцариялик аралаш якка кураш устаси Волкан Оздемир октагонга кўтарилди.
35 ёшли спортчига турнир доирасида Янги Залендия вакили Карлос Ульберг рақиблик қилди.
3 раунд этиб белгиланган жанг тўлиқ давом этди ва унда ҳакамларнинг якдил қарори билан Ульберг зафар қучди.
Шу тариқа, Оздемир фаолиятидаги 28-жангида ўзининг 8-мағлубиятини қабул қилиб олди, Ульберг эса 12-жангида 11-ғалабасини тантана қилди.
Эслатиб ўтамиз, Волкан Оздемир 2023 йил сентябрь ойида ўзбекистонлик аралаш якка кураш устаси Богдан Гусков билан жанг қилиб, нокаут орқали ғалаба қозонган эди.
Ҳавола :
Манба : olamsport.com
Фикрлар