03 июл 15:01
Янгиликлар

Бокс/ММА

Бокс афсоналари ўзаро рингга кўтарилишмоқчи

Бокс бўйича икки вазн тоифасида собиқ жаҳон чемпиони Рики Хаттон олти вазн тоифасида собиқ жаҳон чемпиони Оскар де ла Хойя билан рингга чиқишга тайёрлигини маълум қилди.

"Имконият бўлса, Оскар де ла Хойяга қарши жанг қилардим! Оскар кўплаб одамлар учун боксда ўрнак бўлган, шунинг учун бу шунчаки шоу-жанг бўлса ҳам қизиқарли бўлар эди. У билан рингни баҳам кўриш ва унинг қанчалик яхши бўлганини ва эҳтимол ҳозир ҳам шундай қолганлигини биринчи қўлдан билиб олиш мумкин бўларди", - дея Хаттоннинг сўзларини келтиради Меtrо.

Рики Хаттон 2012 йилда, де ла Хойя эса 2008 йилда профессионал фаолияти якунлаган. Британиялик боксчи 45 ғалаба ва учта мағлубият, америкалик 39 ғалаба ва олти мағлубиятга эга.