Боксчи вазн ўлчаш маросимида юраги тўхтаб қолган инсоннинг жонини сақлаб қолди

Бугун жангдан аввал ўтказилган анъанавий тарздаги вазн ўлчаш маросимида 32 ёшли боксчи Деандре Уэр қаҳрамонга айланди. Гап шундаки, боксчи вазн ўлчаш маросими давом этаётган вақтда ҳушидан кетиб қолган Top Rank ходими Пит Сьюзенсга биринчи тиббий ёрдамни кўрсатиб, унинг ҳаётини сақлаб қолди. Кейинчалик маълум бўлишича, Пит инфарктни бошидан ўтказган. 

Маълумот учун, Деандре Уэр профессионал боксчи бўлишидан ташқари, ўт ўчирувчи ва шифокор ҳам ҳисобланади.