07 авг 08:40
Янгиликлар
Бокс/ММА
Боксчиларимиз Германияга жўнаб кетишди
Бокс бўйича Ўзбекистон терма жамоаси аъзолари жаҳон чемпионатида иштирок этиш учун Германияга учиб кетишди.
Эслатиб ўтамиз, Гамбургда бўлиб ўтадиган жаҳон чемпионати 25 август куни бошланади. Вакилларимиз бу вақт давомида айнан ўша ерда тайёргарликнинг энг сўнгги босқичини ўтказишади.
Терма жамоамиз таркибида ЖЧда иштирок этадиган 10 нафар асосий боксчиларимиз билан бирга, иккинчи рақамли таркибимиз ҳам жўнаб кетган. Маълумот учун, Рио Олимпиадаси олдидан ҳам терма жамоамизнинг иккинчи рақамли боксчилари асосий таркиб билан Бразилиядаги йиғинларда тажриба тўплаш мақсадида иштирок этгандилар.
ЖЧда қуйидаги боксчиларимиз Ўзбекистон шарафини ҳимоя қиладилар:
Ҳасанбой Дўсматов
Жасурбек Латипов
Муроджон Аҳмадалиев
Элнур Абдураимов
Иқболжон Холдоров
Шаҳрам Ғиёсов
Исроил Мадримов
Бектемир Мелиқўзиев
Санжар Турсунов
Баҳодир Жалолов
Ҳавола :
Манба : olamsport.com
Фикрлар