Боксчиларимиз Осиё чемпионатида умумжамоа ҳисобида биринчи бўлишди, ўзбек-қозоқ қарама-қаршилигининг ҳар уччаласида ғолиб чиқдик!

World Boxing томонидан ташкил этилаётган қитъа биринчилигида бугун ёшлар (U-19) ўртасида Осиё чемпионати ғолиб ва совриндорлари аниқланди. Бугунги финал жангларида терма жамоамизнинг 10 нафар боксчиси Осиё чемпионлиги учун рингга кўтарилди. Улардан 7 нафари ўз вазн тоифаларида Осиё чемпионига айланишди. Қолган 3 нафари кумуш медаль билан тақдирланадиган бўлди.   

Таққослаш учун, медаллар йўлидаги асосий рақибимиз ҳисобланган Қозоғистон терма жамоасининг 7 нафар боксчиси (5 ўғил болалар) финал жангларида рингга чиқди. Қизиғи 3 та жуфтликда ўзбек-қозоқ қарама-қаршилигига гувоҳ бўлдик ва уччала жангда ҳам ҳамюртларимиз рақибларини ишончли тарзда мағлуб этишди.  

Ўзбек-қозоқ боксчилари қарама-қаршилиги:

70 кг: Абдулазиз Жўрақулов - Бейбарис Аширбай 4:1

80 кг: Норбек Абдуллаев - Тимур Тайбеков 4:1

85 кг: Самир Собиров - Нурсултан Кистаубай 5:0 

Ҳамюртларимиздан Севара Маматова (60 кг), Собирахон Шаҳобиддинова (+81 кг), Жаҳонгир Зайниддинов (65 кг), Абдулазиз Жўрақулов (70 кг), Норбек Абдуллаев (80 кг), Самир Собиров (85 кг) ва Ислам Салихов (+90 кг) ўз вазн тоифаларида Осиё чемпиони бўлишди. Мафтуна Мусурмонова (48 кг), Райҳона Қурбонбоева (70 кг) ва Муҳаммаджон Якуббоев (75 кг) Осиё чемпионатининг кумуш, Абдураҳмон Маҳмуджонов (-60 кг), Мафтуна Янгиева (-75 кг) ва Рухшона Парпиева (-81 кг) бронза медалини қўлга киритди. 

Осиё чемпионати якунларига кўра, Ўзбекистон терма жамоаси 7 та олтин, 3 кумуш, 3 та бронза, жами 13 та медаль медаль умумжамоа ҳисобида биринчи ўринни эгаллади. Ҳиндистон ва Хитой терма жамоалари кучли учликка якун ясашди. 

Боксчиларимиз иштирокидаги финал жанглари натижаси:

-60 кг: Севара Маматова - Вини (Ҳиндистон) 5:0

-70 кг: Райҳона Қурбонбоева - Абудурейиму Алимире (Хитой) 0:5

+80 кг: Собирахон Шахобиддинова - Парчи Токас (Ҳиндистон) 5:0

-48 кг: Мафтуна Мусурмонова - Чиранан Даппҳонҳан (Таиланд) 2:3

-65 кг: Жаҳонгир Зайниддинов - Маусам Суҳаг (Ҳиндистон) 5:0

-70 кг: Абдулазиз Жўрақулов - Аширбай Бибарис (Қозоғистон) 4:1

-75 кг: Муҳаммаджон Яқупбоев - Раҳул Кунду (Ҳиндистон) 1:4

-80 кг: Норбек Абдуллаев - Тимур Таибеков (Қозоғистон) 4:1

-85 кг: Самир Собиров - Нурсултан Кистаубай (Қозоғистон) 5:0

+90 кг: Ислам Салиҳов - Орхан Агаев (Бирлашган Араб Амирликлари) 5:0