Боксчиларимиз тарозига чиқишди, эртага жанг, иккитаси чемпионлик ФОТО!

Мазкур бокс кечаси доирасидаги 3та жанг бевосита ўзбекистонлик чарм қўлқоп усталари иштирокида ўтказилади. Жанглардан иккитаси чемпионлик мақомида бўлади. 

Профессионал боксдаги дебютини ўтказадиган Исроил Мадримов чемпионлик камари учун мексикалик Владимир Эрнандесга қарши рингга кўтарилади.

Муроджон Аҳмадалиев ўзига тегишли бўлган WBA International чемпионлик камарини америкалик Исаак Заратедан ҳимоя қилади. Бухоролик Шаҳрам Ғиёсов эса мексикалик Мигель Замудиога қарши рейтинг жанги ўтказади.

Исроил Мадримов (Ўзбекистон) – Владимир Эрнандес (Мексика)

Шаҳрам Ғиёсов (Ўзбекистон) – Мигель Замудио (Мексика)

Муроджон Аҳмадалиев (Ўзбекистон) – Исаак Зарате (АҚШ)

Бугун тонг саҳарда боксчиларимиз анъанага кўра тарозидан ўтиш маросимида иштирок этишди. Уччала чарм қўлқоп устамиз ҳам белгиланган вазн меъёрини бажаришди. 

Эслатиб ўтамиз, ҳамюртларимиз иштирокидаги жангларни “Спорт” ҳамда Матч ТВ телеканаллари орқали жонли эфирда томоша қилишингиз мумкин бўлади. Трансляция соат 07:00да бошланиши режалаштирилган.