Боксчиларимиздан бири WBC рейтингини тарк этди + ПОСТEР

Бутунжаҳон Бокс уюшмаси июн ойи учун янгиланган рейтингни эълон қилди. Супер ўрта вазн тоифаси (76,2 кг): Азизбек Абдуғофуров рейтингга киритилмади. Боксчи ўтган ойда 9-поғонани банд этиб турганди

Шу тариқа, рейтингдан 10 нафар чарм қўлқоп устамиз ўрин эгаллади. 

Уларнинг жойлашган ўринлари билан танишинг:

Супероғир вазн: Баҳодир Жалолов ўтган ойдагидаги каби 17-ўрин;

Супер ўрта вазн тоифаси (76,2 кг): Бектемир Мелиқўзиев 19-ўринни банд этди, ўтган ойда у 17-поғонада эди;

Супер ярим ўрта вазн (69,8 кг): Исроил Мадримов ўтган ойдагидан бир поғона юқорилаб, 5-ўринга жойлашди;

Ярим ўрта вазн (66,6 кг):  Шаҳрам Ғиёсов 1 поғона пасайиб 20-ўринни эгаллади; Жаҳонгир Расулов ўтган ойдаги каби 31-ўринда;

Супер енгил вазн (63,5 кг): Шоҳжаҳон Эргашев ўтган ойдагидан 1 ўрин пастлаб, 15-ўринда қайд этилди; Ботир Аҳмедов ҳам 7 поғонага пастлади - 30-ўрин;

Ярим енгил вазн (57,1 кг): Отабек Холматов 10-ўрин, боксчимиз ўтган ойда 9-поғонани банд этган эди;

Биринчи ярим енгил вазн (55,3 кг): Муроджон Аҳмадалиев ўтган ойдаги сингари 4-ўринда;

Биринчи ўта енгил вазн (48,8 кг): Ҳасанбой Дўсматов ўтган ойдагидан 2 поғона кўтарилиб 8-ўринни банд этди.