Боксимиз маликаси Гуласал Султоналиева фаолиятини якунлаганини маълум қилди

Бу ҳақда спортчимиз Instagram саҳифаси орқали маълум қилди. 

"Ҳа, боксчилик фаолиятимни бутунлай якунладим. Ҳар нарсанинг ўз вақт соати бор", - деди Гуласал сайтимиз мухбирига. 

"Спортга яна қайтасизми?", - деган саволга боксчимиз оила қурганидан сўнг турмуш ўртоғи рухсат берса яна боксга қайтишини айтган.

Эслатиб ўтамиз, Гуласал Султоналиева Осиё чемпионати кумуш медаль соҳибаси, беш карра Ўзбекистон чемпиони ва икки карра жаҳон чемпионати иштирокчиси ҳисобланади.