08 фев 15:34
Янгиликлар
Бўстонлиқда бокс бўйича очиқ турнир ўтказилди + ФОТО
Бўстонлиқ туман болалар-ўсмирлар спорт мактабига қарашли Абай номли спорт мажмуасида ўтган мазкур очиқ турнир Ўзбекистон Республикаси биринчи Президенти Ислом Каримов таваллудининг 82 йиллиги муносабати билан ташкил этилди.
Ушбу мусобақада қўшни Қозоғистон Республикаси, шунингдек, Наманган, Жиззах, Самарқанд вилоятлари, Тошкент вилоятининг Бўстонлиқ, Юқоричирчиқ, Чиноз, Зангиота,Чирчиқ сингари туман ва шаҳарларидан ёш чарм қўлқоп усталари иштирок этишди.
Вилоят жисмоний тарбия ва спорт бошқармаси, туман жисмоний тарбия ва спорт бўлими, Туман БЎСМ ва вилоят бокс федерацияси ташаббуси билан ташкил этилган турнир муросасиз ва қизиқарли баҳсларга бой бўлди.
Мусобақада умумжамоа ҳисобида Бўстонлиқ тумани боксчилари фахрли биринчи ўринни қўлга киритишди. Очиқ турнир боксда иқтидори юқори бўлган ўсмирларни саралаш имконини ҳам яратиб берди.
Илҳом РАҲМОНОВ тайёрлади
Фикрлар