Ботир Раҳимов иштирокида ўзбек теннисининг бугунги куни танқидий руҳда муҳокама қилинди

Йиғилиш очиқ ва таҳлилий руҳда ўтди. Амалга оширилган ишлар таҳлил қилиниб, мавжуд муаммолар кўриб чиқилди. Қатор йўналишлар бўйича танқидий фикрлар билдирилди. Федерация раиси асосий масалаларни шахсан кўтарди ва иш самарадорлигини ошириш бўйича аниқ топшириқлар берди.

Алоҳида эътибор ҳудудларда теннисни ривожлантиришга қаратилди - мамлакат бўйлаб спортчиларга тенг шароит яратиш, жойларда ишни кучайтириш ва инфратузилмани ривожлантириш зарурлиги таъкидланди.

Шунингдек, мураббийлар фаолияти сифати масаласи ҳам кўриб чиқилди. Мутахассислар малакасини ошириш, замонавий методикаларни жорий этиш ва спортчилар тайёрлашда масъулиятни кучайтириш муҳимлиги қайд этилди.

Йиғилиш якунларига кўра, аниқ вазифалар белгиланди ва уларнинг ижроси устидан назорат кучайтирилди. Ўзбекистон теннис федерацияси теннисни барча даражаларда - ҳудудлардан тортиб халқаро майдонгача - изчил ривожлантириш ишларини давом эттиради.