Brisbane International. Медведев фаолиятидаги 22-совринни қўлга киритди

Даниил Медведев ҳал қилувчи финал баҳсида ATP рейтингида 33-поғонадан жой олган америкалик Брэндон Накашимани икки сет натижасига кўра мағлубиятга учратди - 6/2, 7/6(1). Теннисчиларнинг ўзаро учрашувларидаги ҳисоб йириклашди - 3:0. Тўқсон олти дақиқа давом этган финал баҳсида Медведев 10, Накашима 3 та эйс зарбасини амалга оширган. 

Брисбендаги кубок Даниил учун фаолиятидаги 22-соврин бўлди. Бу 22 та чемпионлик дунёнинг турли шаҳарлари ва турнирларида қўлга киритилган. Яъни, Медведев ҳеч бир турнирда икки маротаба чемпион бўлмаган. 20 та чемпионликка хард қопламали кортларда эришилган. У бир ҳафталик меҳнатидан 250 рейтинг очкоси ва 114 060 $ мукофот пули ишлаб олди. Накашима эса 165 очко ва 66 555 долларга эга чиқди.