Бронза йўлидаги кураш: Эркин курашчиларимиз бронза медалини қўлга киритиш учун кимларни мағлуб этишлари керак?

Бугунги беллашувларда қатнашган ҳар икки спортчимиз бронза медали учун курашиш имкониятини сақлаб қолди. Ғуломжон Абдуллаев (-57 кг) ва Жавраил Шапиев (-86 кг) мағлуб бўлган спортчилар финалга қадар етиб боришди. Шу сабабли, спортчиларимизда медаллар учун курашиш имконияти юзага келди. 

Эртага спортчиларимиз иккита баҳсда ғалаба қозона олишса, бронза медалини қўлга киритишади.

Эркин курашчиларимизни қуйидаги рақибларга қарши беллашувлар кутиб турибди:

-57 кг. Ўтиш баҳси: Ғуломжон Абдуллаев - Томас Гилман (АҚШ)

Бронза учун: Ризо Атри (Эрон)

-86 кг. Ўтиш баҳси: Жавраил Шапиев - Стефан Ричмут (Швейцария)

Бронза учун: Артур Нифонов (Россия)

Ўтиш баҳслари 5 август куни Тошкент вақти билан 7:00дан кейин бошланади. Бронза медали учун беллашувлар эса 15:30 дан кейин старт олади. 

-74 кг вазнли бошқа бир эркин курашчимиз Бекзод Абдураҳмонов эса ўз иштирокини эртага пуэрто-риколик Франклин Гомесга қарши беллашув билан бошлайди.