"Бруклин"нинг учинчи ўйинчисида коронавирус аниқланди

Бу "Бруклин Нетс" баскетболчиларидаги учинчи нохуш ҳолат бўлди. Торинга қадар Спенсер Динвидди ва Деандре Жорданда ҳам коронавирус тасдиқланган эди. 

Бундан ташқари, "Бруклин" мураббийлари мавсум рестартидан бош тортган Уилсон Чендлер, жароҳатланган Кевин Дюрант, Кайри Ирвинг ҳамда Николас Клэкстоннинг хизматидан фойдалана олмайди.

Маълумот учун, Миллий баскетбол ассоциацияси коронавирус пандемияси сабаб март ойида тўхтатилган эди. Мавсум рестарти 30 июлга мўлжалланган.