11 июн 12:09
Янгиликлар
Теннис
Бу даҳшат. "Ролан Гаррос" чемпиони Карлос Алькараснинг мукофот пулидан қанча солиқ тўлаши маълум
Дунёнинг иккинчи ракеткаси Карлос Алькарас якшанба куни Париж шаҳрида якунига етган "Ролан Гаррос" турнири чемпионига айланганди.
Испаниялик теннисчи икки ҳафталик меҳнатидан 2 миллион 550 минг евро мукофот пули ишлаб олди. Испания ва Францияда даромад солиғи жуда катта ҳисобланади.
El Economista нашрининг хабар беришича, Карлос умумий миқдорида 1 миллион 40 минг 936 евро солиқ тўлайди. Бу у қўлга киритган умумий мукофот пулининг 40,8 фоизини ташкил этади.
Алькараснинг Францияга ташлаб кетадиган солиғи умумий мукофот жамғармасининг 15 фоизидан иборат. Бу 382 500 евро дегани, солиқнинг қолган қисми эса Испания ғазнасига бориб тушади. Испания солиғи Францияникидан бирмунча кўпроқ ҳисобланади.
Ҳавола :
Манба : gotennis
Фикрлар