11 окт 19:13
Янгиликлар

Бокс/ММА

Бу факт: Азамат Нуфтиллаев Дана Уайт даъвогарлар сериясида (DWCS) жанг қилган иккинчи ўзбекистонликка айланади

Бизнинг вақт билан 15 октябрь куни тонгда АҚШнинг Лас-Вегас шаҳридаги UFC Apex мажмуасида ММА бўйича Дана Уайт даъвогарлар серияси турнирининг навбатдаги ҳафта жанглари ташкил этилади.

Аввал хабар берганимиздек, мусобақа доирасида ўзбекистонлик оғир вазнли аралаш якка кураш устаси Азамат Нуфтиллаев ҳам октагонга кўтарилади. Ҳамюртимизга UFC шартномаси йўлида Сербия вакили Йован Лека рақиблик қилади.

Азамат айни дамда АҚШга етиб бориб, мазкур жанг учун сўнгги тайёргарликларни олиб бормоқда.

Қизиғи, Нуфтиллаев бу жанг орқали Дана Уайт даъвогарлар сериясида қатнашган иккинчи ўзбекистонлик ММА жангчисига айланади. Бундан аввал, 36 ёшли юртдошимиз Анвар Бойназаров 2022 йил август ойидаги DWCS турнирида венесуэлалик Эрик Сильва билан тўқнаш келиб, имкониятни бой берганди.