"Бу кун қачондир келмаслигини истардим". Надаль Фередерга мурожаат қилди

"Қадрли Рожер, дўстим ва рақибим. 

Бу кун қачондир келмаслигини истардим. Бу шахсан мен ва жаҳондаги бошқа спортчилар учун қайғули кун. Мен ўзаро суҳбатимизда ҳам айтганман ва энди шу ерда ҳам такрорлайман. 

Йиллар давомида сен билан бирга мусобақаларда қатнашиш мен учун ёқимли бўлди. Биз биргаликда кортда ва унинг ташқарисида ажойиб дамларни бошдан кечирдик. Бу шараф. 

Келажакда ҳам кўплаб лаҳзаларда ёнма-ён бўламиз. Биз биргаликда кўп ишларни қилишимиз лозим, буни биламиз. 

Ҳозирча эса сенга ва аёлинг Миркага, фарзандларинг ва оилангга баҳт тилайман. Олдинда кутаётган дамлардан завқланинг. Лондондаги Лэйвер кубогида кўришамиз", - деди Надаль.