24 мар 13:47
Янгиликлар
Футбол
"Бу қизил эмас!" — Машҳур ҳакам Вальверденинг четлатилишига қарши чиқди
Испаниялик собиқ ҳакам Эдуардо Итурральде Гонсалес Мадрид дербисида Федерико Вальвердега кўрсатилган қизил карточка бўйича ўз фикрини билдирди.
"Реал" ва "Атлетико" ўртасидаги баҳснинг 77-дақиқасида уругвайлик футболчи Алекс Баэнанинг оёғига орқадан зарба бергани учун майдондан четлатилган эди. Итурральденинг фикрича, бу вазиятда ҳакам Хосе Мунуэра Монтеро хатога йўл қўйган.
"Қизил карточка ҳаддан ташқари куч ишлатилгани учун берилади. Агар сиз куч меъёрдан ортиқ деб ҳисобласангиз, тўп ўйиндами ёки йўқми — бу қизил. Лекин мен учун бу шунчаки футболдаги оддий ҳолат. Менинг фикримча, бу вазиятда қизил эмас, балки аниқ сариқ карточка берилиши керак эди", — дейди эксперт.
Эслатиб ўтамиз, ушбу вазиятда ВАР ҳакамни монитор ёнига чақирмаган ва қарорни ўз кучида қолдирган эди.
Ҳавола :
Фикрлар