24 дек 09:07
Янгиликлар
Бу қизиқ! Юнон-рум кураши бўйича Осиё ўйинлари ғолиби бугун эркин курашда ўз омадини синаб кўради + ФОТО
Хабар берганимиздек, бугун эркин кураш бўйича катталар ўртасидаги Ўзбекистон чемпионатининг сўнгги куни 5 та вазнда ғолиб ва совриндорлар номи маълум бўлади.
Эътиборга молик жиҳати шундаки, бугун тарихий воқейлик қайд этилиши мумкин. Учта Олимпиада иштирокчиси, Осиё ўйинлари ғолиби Мўминжон Абдуллаев эркин кураш баҳсларида ҳам ўзини синаб кўради. У икки кун аввал юнон-рум курашининг 130 кг вазн тоифасида Ўзбеекистон чемпионатининг олтин медалини қўлга киритганди.
Агар у бугун 125 кг вазнда ҳам зафар қучса, эркин ва юнон-рум курашида Ўзбекистон чемпиони бўлган иккинчи курашчига айланади. Шу кунгача биргина Ўзбекистон спорт курашлари ассоциацияси раиси Салим Абдувалиевга икки йўналишда мамлакат чемпиони бўлиш насиб қилганди. Мўминжон Абдуллаев бироз аввал тарозида белгиланган вазн меъёрини бажарди.
Ҳавола :
Манба : olamsport.com
Фикрлар