"Бу Тўлқиннинг иши". Россиялик блогер Тўлқин Қиличевнинг бош мураббий бўлганига муносабат билдирди

"Ўзбекистон термасига янги бош мураббий тайинланди. Тектоник плиталар йўқ бўлиб кетди, катта ўзгаришлар яқин. Бу янги қон, янги нафас, бу қизиқарли ва ажойиб бўлиши керак. Сабаби, бош мураббий йўлдан ўтиб олиб, ёруғликка қарайдиган оддий одам эмас. Янги бош мураббий ҳурматли Тўлқин Қиличев бўлди. Қандай қилиб у бунга лойиқ бўлиши мумкин? Ҳозир порлаётган барча чемпионлар Тўлқиннинг шогирдлари. Исроил Мадримов, Баҳодир Жалолов, Муроджон Аҳмадалиев, Элнур Абдураимов, Қудратилло Абдуқаххоров ва Санжар Турсуновларни бевосита Тўлқин Қиличев шуғуллантирган. Бу чемпионлар ўзбек бокс мактабини юксалтирди. Бу чемпионлар — Тўлқиннинг иши. Тўлқин, агар буни кўраётган бўлсангиз, мен сизни яна бир бор табриклайман. Олға ҳаракат қилинг! Фақатгина олға, фақатгина медаллар, фақатгина олтин, озгина кумуш ҳам зарар қилмайди!", - дейилади "неКАРАтэ" YouTube каналида.

Аввалроқ, бокс бўйича терма жамоамиз бош мураббийлигига Тўлқин Қиличев тайинлангани ҳақида хабар берган эдик.

Апрель ойида "неКАРАтэ" YouTube канали муаллифи Станислав Соколов билан интервью ташкил қилган эдик.