14 июн 13:17
Янгиликлар

Бокс/ММА

"Бу яримоғир вазнда мен кўрган энг яхши жанг!"

Собиқ UFC жангчиси Чейл Соннен Гловер Тейшейра ва Иржи Прохазка ўртасида бўлиб ўтган чемпионлик жанги ҳақида фикр билдирди.

"Гловернинг бу такрорланмас жангда ғалаба қозонишига атига 28 сония етмади. Бу яримоғир вазнда мен кўрган энг яхши жанг бўлди. Яхши жанглар гувоҳига айланганман. Густавссон — Жонс илк жанги ушбу тўқнашувга қадар мен кўрган энг яхшиси эди.

Тейшейранинг Прохазкага қарши жанги эндиликда яримоғир вазнда мен кўрган энг яхши жанг бўлди", - деди Соннен.

Аввалроқ, Гловер Тейшейра мағлубиятдан сўнг мухлисларга мурожаат қилгани, Иржи Прохазка эса навбатдаги рақиби ким бўлишини айтгани ҳақида хабар берган эдик.

Мазкур жангнинг тўлиқ видеосини сайтимизнинг телеграм каналида томоша қилишингиз мумкин!