Иржи Прохазка кейинги рақиби ким бўлишини айтди

Оқшомнинг марказий жанги яримоғир вазн тоифасида ўтказилиб, унда чехиялик Иржи Прохазка эндиликда собиқ чемпион, бразилиялик 42 ёшли Гловер Тейшейрани бўғиш усули билан мағлуб этиб, дивизионнинг янги чемпионига айланди. 

Иржи жангдан кейин берган интервьюсида навбатдаги рақиби сифатида польшалик Ян Блаховични кўриш истагида эканини айтди. Аввалроқ, UFC президенти Дана Уайт Магомед Анкалаев - Энтони Смит жангини расман даъвогарлар жанги дея эълон қилганди. Блахович эса ушбу вазннинг собиқ чемпиони ҳисобланади ва бугунги оқшомни бевосита аренада томоша қилди. 

"Ўйлашимча, айнан Ян илк ҳимоя жангимдаги рақибим бўлиши лозим. Мен у билан жанг қилишим керак. Уни мағлуб этиш учун менда ҳамма нарса бор ва мен бу ишни амалга ошираман. Фикримча, Европа жангимизни ўтказиш учун энг яхши вариант. Чунки, иккимиз ҳам бир қитъа вакилларимиз", - деди Прохазка. 

Ўз ўрнида Блахович ҳам бу фикрни қўллаб-қувватлади. 

"Иржи, бу ишни амалга оширамиз! Европа учун жанг. Қитъа тарихидаги энг зўр жанг бўлади", - дея ижтимоий тармоқдаги саҳифасида хабар қолдирган Блахович.