Бугун андеркард жангда рингга чиқиши керак бўлган боксчимиз Туркияда қолиб кетди + ФОТО

Оқшомнинг андеркард жанги ҳамюртимиз Равшанбек Умурзоқов иштирокида ўтказилиши лозим эди. Чарм қўлқоп устамиз мураббийи Набижон Исманов билан бирга Туркияга жўнаб ҳам кетганди. Лекин уларга Истанбулдан жанг манзили томон учишга рухсат тегмаган.

"Бизга айтишларича, Ўзбекистон қизил ҳудуд қилиб белгиланибди. Шу сабабдан ҳам бизни Екатеринбургга учишимиз учун рухсат беришмади. Очиғи, тушуна олмай қолдик", - дейди бизга берган хабарида Набижон Исманов.

Эслатиб ўтамиз, Равшан Умурзоқов бугун украиналик Зоравор Петросянга қарши рингга чиқиши лозим эди. Энди мағлубият нималигини билмай келаётган Петросян россиялик Евгений Ваземга қарши жанг ўтказади.