20 июн 07:35
Янгиликлар
Оғир атлетика
Бугун атлетларимиз Тбилисида ЖЧдаги иштирокларини бошлашади
Бугун Грузия пойтахти Тбилиси шаҳрида оғир атлетика бўйича ёшлар ўртасидаги жаҳон чемпионати старт олади.
20 ёшгача бўлган атлетлар иштирокида ўтадиган дунё биринчилигида мамлакатимиз ёшлар терма жамоаси ҳам иштирок этади. Кеча оқшом Борис Савченко мураббийлигидаги спортчиларимиз жаҳон чемпионати ўтказилувчи шаҳарга етиб келишди.
30 июнга қадар давом этадиган нуфузли мусобақада 4 нафар оғир атлетикачимиз юртимиз спорт шарафини ҳимоя қилади. 62 кг вазн тоифасида Адҳам Эргашев, 77 кг вазнда Шаҳзод Худойберганов, 94 кг вазнли спортчилар баҳсида Фарҳод Собиров жаҳон чемпионати медаллари йўлида супачага чиқади.
Қиз болалар ўртасидаги баҳсларда эса ягона вакиламиз Муаттар Набиева ўз имкониятини синовдан ўтказади. Муаттар 58 кг вазн тоифасида маҳоратини намойиш қилади.
Ҳавола :
Фикрлар