23 авг 14:40
Янгиликлар

Бокс/ММА

Бугун Баҳодир Жалоловнинг ашаддий рақиби проф боксда дебют қилади

Бокс бўйича Қозоғистон терма жамоаси аъзоси Қамшибек Конкабаев бугун Алмати шаҳрида ўтказиладиган профессионал бокс оқшомида рингга кўтарилади.

Ушбу жангда Қамшибек бошқа бир қозоғистонлик боксчи Исса Акбербаевга (20-1-0, 15 КО) қарши рингга кўтарилади. Мазкур жанг Конкабаев учун проф рингдаги дебют ҳисобланади.

Эслатиб ўтамиз, Баҳодир Жалолов Конкабаевга қарши сўнгги жангини 2019 йили Екатеринбург мезбонлик қилган жаҳон чемпионати финалида ўтказганди. Ўшанда ҳамюртимиз рақибини мағлубиятга учратиб, олтин медалга эга чиққанди.