13 фев 08:14
Янгиликлар
Бугун Бектемир Мелиқўзиев тарозига чиқади, эртага жанг!
WBA Continental Americas чемпионлик камари соҳиби бўлиб турган чарм қўлқоп устамиз АҚШнинг Калифорния штати Анахайм шаҳрида мексикалик Марко Антонио Перибанга қарши рингга кўтарилади. Бугун эса боксчилар анъанага кўра тарозидан ўтиш маросими ҳамда матбуот анжуманида иштирок этишади.
Маълумот учун, Марко Антонио Перибан проф рингда 31та жанг ўтказган бўлиб, уларнинг 25тасида ғалаба қозонган. Рақибларини 16та жангда нокаутга учратган. Ҳисобида 5та мағлубият ва битта дуранг бор. Ўзи ҳам иккита жангда нокаут учраган.
WBA рейтингида 15-ўринни эгаллаб турган Мелиқўзиев ўзининг сўнгги жангини 14 декабрь куни АҚШда мезбон боксчи Ваугин Александерга қарши ўтказганди. Ўн раундлик жангда ҳамюртимиз ҳакамларнинг қарори билан 100:90, 100:90, 100:90 ҳисобларида ғалаба қозониб, WBA Continental Americas камари соҳибига айланганди. Перибанга қарши жанг Бектемир учун фаолиятидаги бешинчиси бўлади.
Фикрлар