Бугун Бухорода катталар ўртасидаги Ўзбекистон чемпионати бошланади

Қорақалпоғистон Республикаси, барча вилоятлар ва Тошкент шаҳридан келган жами 451 (312 эркак, 139 аёл) нафар дзюдочи белгиланган 14 та (7 та эркаклар, 7 та аёллар) вазн тоифасида медаллар йўлида баҳсларга киришади. 

Бугун мусобақанинг биринчи куни эркаклар -60, -66, аёллар -48, -52 ва -57 кг вазн тоифаларида татамига чиқади. Саралаш беллашувлари соат 10:00, медаллар учун кечадиган финал блоки 17:00да бошланади. Бугун Ўзбекистон чемпионатининг тантанали очилиш маросими ҳам ўтказилади.