Бугун дунё теннис маликаси таваллуд топган кун!

Мария Шарапова - 1987 йилнинг 19 апрель куни дунёга келган. Ёшлигидан теннисга муҳаббат қўйган Мария 4 ёшидан теннис билан жиддий шуғулланишни бошлаган. Шарапованинг иқтидорини собиқ биринчи рақамли теннисчи Мартина Навратилова пайқаб қолади ва Мариянинг отасига Флоридага келишларини таклиф қилади. 

Шу тариқа, ота-бола 1995 йилда АҚШга кўчиб боришади. Шундан сўнг бўлажак теннис юлдузининг ҳаёти ўзгариб кетади. Мария ёшлик чоғидаёқ жуда мафтункор бўлади, унга хатто модель бўлишни ҳам таклиф қилишади. Лекин Мария спорт учун бизнесдан воз кечди. 

Шарапованинг профессионал теннисдаги фаолияти 2001 йилда бошланган. Жами 36 та WТА турнирларида бош совринни қўлга киритган. Умумий ҳисобда мусобақалардан 38 миллион 560 000 АҚШ доллари ишлаб топган. 

Шунингдек, россиялик теннис маликаси беш бор «Катта Дубулға» турнирларида (Уимблдон 2004, US Open 2006, Australiya Оpen 2008, Rollan Garros 2012, 2014) зафар қучган. Мария биринчи «Катта Дубулға» турнирини 2004 йилда Уимблдон финалида Серена Уильямсни мағлуб этган ҳолда эришган. 

2005 йилнинг августида илк бор жаҳон рейтингининг карвонбошисига айланган. Шарапова умумий ҳисобда беш бор рейтинг пешқадами бўлиб, 21 ҳафта давомида ўз ўрнини ҳеч кимга бермаган. Мария жуфтлик баҳсларида ҳам бирмунча омадли иштирок этган. У уч маротаба бош совринга эга чиққан. 

Шарапова нафақат теннисда, балки тадбиркорликда ҳам ўз омадини синаб кўрди. 2012 йилда малика «Сугарпова» бренди остида ширинликлар ишлаб чиқаришни бошлади. Мария учун 2016 йил омадсиз бошланди, унинг қонидан тақиқланган модда топилди ва теннисдан 15 ойга четлатилди. 

Бир йилдан зиёд теннисдан узоқда юрган Шарапова 2017 йилнинг апрель ойида яна кортларга қайтишга эришди. Ҳозирда Мария Шарапова дунё рейтингининг 28-поғонасини эгаллаб турибди. Туғилган кунинг билан, Мария!

Ниғмонхўжа Нозимов тайёрлади