Бугун дзюдочиларимиз III Ёшлар Осиё ўйинларидаги иштирокларини бошлашади (қуръа натижалари)

Икки кун давомида жами 16 та вазнда қитъамизнинг шу ёш тоифасидаги энг кучли дзюдочилари аниқланади. Бугун ўғил болалар -50, -55, -60, -66 кг, қизлар эса -40, -44, -48, -52 кг вазн тоифаларида ғолиб ва совриндорлар маълум бўлади.  

Ўзбекистон кадетлар терма жамоаси тўлиқ таркибда Осиё ўйинларида иштирок этади. Бугунги беллашувларда 8 нафар дзюдочимизга мухлислик қиламиз. Илк кунги саралаш беллашувлари бизнинг вақт билан соат 12:00да бошланади. 

Бугун татамига чиқадиган дзюдочиларимизнинг илк учрашувлари:

-50 кг: Шоҳжаҳон Усмонов — Моҳаммадреза Каземи (Эрон)

-55 кг: Абубакр Сатторов — Ратанасейла Ҳум (Камбоджа)

-60 кг: Давлат Аҳроров — Анас Алйаммаҳи (БАА) 

-66 кг: Султонбек Қўлдошбоев — Кан Каеочан (Таиланд)/Юсуф Искандарзода (Тожикистон)

ҚИЗЛАР

-40 кг: Дилафруз Болтабоева — Бао Руи-Юн (Хитой Тайпейи)/Никита Никита (Ҳиндистон)

-44 кг: Алина Колючева — Пимписут Грипҳонг (Таиланд) 

-48 кг: Диана Азамбекова — Чен Ксин (Хитой Тайпейи)

-52 кг: Зуҳра Алимова — Рася Шабира (Индонезия)/Дика Моҳд Росиди (Малайзия)