23 янв 14:06
Янгиликлар
Дзюдо
Бугун дзюдочиларимизнинг Исроилдаги илк машғулоти ўтказилади
Хабар берганимиздек, кеча куннинг иккинчи ярмида дзюдо бўйича Ўзбекистон терма жамоаси Гран-при туркумига кирувчи нуфузли мусобақада иштирок этиш учун Исроилнинг Тель-Авив шаҳрига жўнаб кетган эди.
Тошкент - Тель-Авив йўналиши бўйича учган самолёт 5 соатлик парвоздан сўнг Бен-Гурион номли халқаро аэропортга етиб борди. Терма жамоамиз делегацияси шаҳар марказидаги Publika Isrotel меҳмонхонасига жойлашди.
Бугун маҳаллий вақт билан соат 16:00 (Тошкент вақти билан соат 19:00)да терма жамоамизнинг Тель-Авивдаги илк машғулоти ўтказилади.
Эслатиб ўтамиз, мукофот жамғармаси 100 000 АҚШ долларини ташкил қилувчи Исроил Гран-приси 24-26 январь кунлари ўтказилади. Мусобақада 18 нафар спортчидан иборат Ўзбекистон терма жамоаси аъзолари юртимиз шарафини ҳимоя қилади.
Ҳавола :
Манба : olamsport.com
Фикрлар