21 дек 09:29
Янгиликлар

Спорт курашлари

Бугун эркин ва юнон-рум кураши бўйича Ўзбекистон чемпионати бошланади

Бироздан сўнг пойтахтимиздаги "Универсал" спорт саройида эркин ва юнон-рум кураши бўйича катталар ўртасидаги Ўзбекистон чемпионати старт олади.

Йилнинг сўнгги мусобақасида Қорақалпоғистон Республикаси, барча вилоятлар ҳамда Тошкент шаҳридан 400 нафарга яқин курашчилар тўрт кун давомида медаллар учун кураш олиб борадилар.

Чемпионатнинг дастлабки икки куни юнон-рум кураши, сўнгги икки кунида эса эркин кураш бўйича ғолиб ва совриндорлар номи маълум бўлади. Мамлакат чемпионатида Токио Олимпиадаси иштирокчиларининг ҳам қатнашиши беллашувларнинг муросасиз кечишини таъминлайди.

Ўзбекистон чемпионати ғолиблари терма жамоа таркибига киритилади ва улар 2022 йил ҳисобидан ўтказиладиган халқаро мусобақаларда юртимиз шарафини ҳимоя қиладилар. Бугун юнон-рум курашида 55, 63, 77, 87 ва 130 кг вазн тоифаларида Ўзбекистон чемпионлари аниқланади.