15 ноя 12:59
Янгиликлар

Бокс/ММА

Бугун ғалаба қозонган Аньос Конор Макгрегорга "вызов" ташлади

Бразилиялик тажрибали UFC жангчиси Рафаэль дос Аньос бугун ўтказилган UFC Vegas 14 турнирининг марказий жангида америкалик Пол Фельдерни мағлубиятга учратган эди.

Жанг якунланиши билан бразилиялик 36 ёшли дос Аньос икки вазнда собиқ UFC чемпиони Конор Макгрегорни октагонга чорлади.

"Мен исталган жангчи билан октагонда тўқнаш келишга тайёрман. Асосий мақсадим - чемпионлик жанги. Ростан ҳам Хабиб фаолиятини якунлаган бўлса, унда чемпионлик камари вакант қолган. Ҳозир даъвогарлар кўп. Лекин вазиятга реал кўз билан қарайдиган бўлсак, чемпион бўлишга мен ва Конор ҳақлироқмиз. Бизнинг имконият қолганларникидан кўпроқ. Қолганлар вақтинчалик чемпион бўлишган. Конор айнан менга керак бўлган жангчи", — деди Аньос.