Бугун ҳам жаҳон чемпионатида 4 нафар дзюдочимизга мухлислик қиламиз!

Бугун дунёнинг бир кам 100 та давлати дзюдочилари иштирокида ўтаётган йилнинг энг нуфузли мусобақасида учинчи кунги беллашувлар ташкил этилади. Дзюдочилар -57 ва -73 кг вазн тоифаларида медаллар ҳамда рейтинг очколари учун татамига чиқадилар. 

Бугунги муросасиз кечиши кутилаётган беллашувларда Нилуфар Ермаганбетова, Шукуржон Аминова (-57 кг), Муроджон Йўлдошев ва Обидхон Номоновга (-73 кг) мухлислик қиламиз. 

Ўзбекистон дзюдочилари учун қуръа натижалари:

-57 кг: Нилуфар Ермаганбетова - Майса Пардаева (Туркманистон)

-57 кг: Шукуржон Аминова - Ана Роса (Доминикан)

-73 кг: Муроджон Йўлдошев - Михаил Тсоутласвили (Греция)/Эртур Турдубаев (Қирғизистон)

-73 кг: Обидхон Номонов - Александру Райку (Руминия)/Бенжамин Габа (Франция)