Бугун ҳақиқий спорт куни! Исроил Мадримов боксда, Нурсултон Рўзибоев эса ММАда ўзининг навбатдаги жангини ўтказади

Бугун Саудия Арабистонининг Ар-Риёд шаҳрида йирик профессионал бокс оқшоми ташкил этилади.

Riyadh Season шафеълигидаги турнирда супер яримўрта вазн тоифасидаги ўзбекистонлик проф бокс устаси Исроил Мадримов WBC Interim чемпиони Виржил Ортис билан баҳс олиб боради. Мусобақа марказий жанги эса ярим оғир вазн тоифасидаги мутлақ чемпион Артур Бетербиев ва собиқ чемпион Дмитрий Бивол ўртасида кечади.

Жанглар бизнинг вақт билан соат 22:00 дан сўнг бошланади. Исроилнинг чиқиши эса тахминан соат 00:00 дан сўнг бўлиб ўтади.

Бундан ташқари, эрта тонгда АҚШнинг Сиэтл шаҳрида UFC Fight Night мусобақаси ўтказилади. Унда ҳамюртимиз Нурсултон Рўзибоев АҚШ вакили Эрик Макконикога қарши жанг қилади.

Мусобақа тонгги соат 4:00 да старт олади. Нурсултоннинг жанги эса соат 4:30 дан сўнг бўлиб ўтиши кутилмоқда. Ҳар икки турнирни Telegram платформасидаги Sport Universal канали орқали томоша қилишингиз мумкин.