Бугун "Ҳумо" 1/2 финал доирасида "Бейбарис"га қарши илк уй ўйинини ўтказади

Хабарингиз бор, "Ҳумо" бу йилги мавсумни Қозоғистон Про-Лигасида ўтказмоқда. Жамоамиз Мунтазам чемпионатни 2-ўринда якунлаб, плей-оффнинг илк босқичида Руднийнинг "Горняк" жамоасини тўрт ўйин натижасига кўра мағлубиятга учратган ҳамда 1/2 финалга йўл олган эди. 

Бугун жамоамиз 1/2 финал босқичида "Бейбарис"га қарши ўйинлар сериясини бошлайди. Мазкур уй учрашуви соат 19:30да, пойтахтимиздаги "Ҳумо Арена"да бошланади.

Таъкидлаш жоиз, бугун шунингдек ярим финалдан ўрин олган яна бир учрашув — "Сариарка" - "Номад" ўйини ҳам бўлиб ўтади. Жамоалар ўртасида кеча ўтказилган илк учрашувда "Номад" 4:2 ҳисобида ғалаба қозонган эди.

Учрашувлар YouTube платформасидаги InSportTV канали орқали трансляция қилинади.