17 окт 10:34
Янгиликлар
Хоккей
Бугун "Ҳумо" ВХЛ пешқадамига қарши ўйин ўтказади
Тошкентнинг "Ҳумо" жамоаси бугун Санкт-Петербургда маҳаллий "Динамо" жамоасига қарши музга чиқади.
Икки кун олдин ўтказилган ўйинда тошкентликлар Питернинг "СКА-Нева" жамоасини мағлуб этиб, рақибларни чемпионатда иккинчи поғонага тушишга мажбур қилгандилар. Бугун "Ҳумо" Санкт-Петербургнинг бошқа бир етакчи жамоаси - "Динамо"га қарши баҳс юритади. "СКА-Нева"нинг мағлубиятидан фойдаланган "Динамо" ўтган турдан сўнг лигада биринчи ўринга кўтарилиб олганди.
Учрашув бугун маҳаллий вақт билан 19:30 да (Тошкент вақти билан 21:30) бошланади.
Фурсатдан фойдаланиб, Санкт-Петербургда истиқомат қилаётган юртдошларимизни аренада бевосита "Ҳумо"ни қўллаб-қувватлаб туришга чорлаб қоламиз. Ўйин Санкт-Петербургдаги "Юбилейный" аренасида бўлиб ўтади.
Ҳавола :
Манба : olamsport.com
Фикрлар