22 май 10:28
Янгиликлар

Теннис

Бугун Ҳумоюн Султонов финал чиптаси учун кортга чиқади

Австриянинг Клагенфурт шаҳрида теннис бўйича М15 тоифасига кирувчи турнир давом этмоқда.

Жароҳатлар сабаб мусобақаларда иштирок эта олмаган ва бунинг натижасида рейтингда яхшигина пастлаган Ҳумоюн Султонов Клагенфурт турниридаги учинчи ғалабасига эришди. Мамлакатимизнинг собиқ биринчи ракеткаси 1/4 финалда германиялик Келвин Мюллерни икки сет натижасига кўра мағлубиятга учрата олди - 6/3, 7/5.

Таққослаш учун, Султонов айни пайтда ATP рейтингида 806, Мюллер эса 924-ўринни эгаллаб турибди. Бу теннисчиларнинг ўзаро ўтказган илк учрашуви бўлди. Бугун Ҳумоюн финал чиптаси учун чехиялик 31 ёшли Доминик Речекка қарши кортга чиқади. Чех теннисчиси ATP рейтингида 1002-поғонадан жой олган.