Бугун икки боксчимиз жаҳон чемпионати финалида жанг қилади

Кун давомида йигитлар ўртасида финал жанглари ташкил этилади ва унда икки нафар боксчимиз олтин медаль учун рингга кўтарилади. 

-52 кг: Шаҳзод Музаффаров - Евгений Жоров (Россия) (19:15 дан сўнг)

+91 кг: Жаҳонгир Зокиров - Хованес Папазян (Арманистон) (21:15 дан сўнг)

Маълумот ўрнида шуни қўшимча қилишимиз лозимки, ярим финал жангларида -81 кг вазнли боксчимиз Шоҳжаҳон Абдуллаев 3:2 ҳисобида ғалаба қозонганди. Аммо жангдан сўнг черногориялик боксчининг мураббийлари томонидан протест берилди ва ҳакамлар қўмитаси черногориялик боксчининг фойдасига қарор чиқарди. Шу тариқа, Шоҳжаҳон бронза медали билан кифояланадиган бўлди. 

Эслатиб ўтамиз, кеча қизлар ўртасидаги беллашувлар якунига етди ва баҳслар якунига кўра қизларимиз 1 та олтин, 1 та кумуш ва 4 та бронза медалларига эга чиқишди. 

Бугун ўтказиладиган жангларда боксчи йигитларимизга омад тилаймиз!