09 июл 15:19
Янгиликлар

Теннис

Бугун Истомин АҚШ турниридаги иштирокини бошлайди

АҚШнинг Уиннетка шаҳрида теннис бўйича "Челленжер" туркумига кирувчи турнирнинг асосий тўр баҳслари давом этмоқда.

Соврин жамғармаси 80 000 АҚШ долларини ташкил қилувчи мусобақада мамлакатимизнинг биринчи ракеткаси Денис Истомин ҳам иштирок этади. Ҳамюртимиз турнирда тўртинчи рақам остида сараланди ва ўз иштирокини тўғридан-тўғри иккинчи даврадан бошлайди.

Бугун Денис иккинчи босқич учрашувида тунислик Азиз Доугазга қарши кортга чиқади. Бу теннисчи кеча илк даврада рейтингда ўзидан 220 поғона юқорида турган америкалик Александер Саркиссянни 6:2, 6:2 ҳисобида мағлуб этди. Истомин ATP рейтингида 115, Доугаз эса 576-ўринни эгаллаб турибди. Истомин - Доугаз баҳси Тошкент вақти билан соат 21:30да бошланади.