20 май 09:54
Янгиликлар

Теннис

Бугун Истомин Ролан Гаррос саралашида кортга чиқади

Бугун Франциянинг Париж шаҳрида “Катта Дубулға” туркумига кирувчи Ролан Гаррос турнирининг саралаш баҳслари старт олади.

Ўтган йил билан таққослаганда, рейтингда сезиларли тарзда пастлаган ҳамюртимиз Денис Истомин бу сафар ушбу турнирдаги иштирокини саралаш баҳсларидан бошлайди.

Қуръа натижасига кўра мамлакатимизнинг биринчи ракеткаси илк даврада германиялик Дастин Браунга қарши кортга чиқади. Ушбу учрашув Тошкент вақти билан соат 14:30да бошланиши белгиланган.

Таққослаш учун, Денис Истомин айни пайтда ATP рейтингида 99, Браун эса 175-ўринни эгаллаб турибди. Теннисчилар шу кунгача ўзаро икки бор (2010 ва 2017 йилларда) тўқнаш келишган ва иккала баҳсда ҳам Денис ғалаба нашидасини сурган.