Бугун Италияда тўрт нафар боксчимиз рингга кўтарилади

Улардан дастлаб, мусобақадаги илк учрашувини -57 кг вазнда баҳс олиб борадиган вакиламиз, Ситора Турдибекова финляндиялик Вилма Витаненга қарши ўтказади.

Иккинчи баҳсда эса -71 кг вазнда ғалабали одимлаётган боксчимиз Асадхўжа Мўйдинхўжаев, германиялик Магомед Элим Счачидовга қарши баҳс олиб боради. Лазизбек Мулложонов ҳам бугун рингга кўтарилади.

-92 кг вазнда Олимпияда ўйинлари йўлланмаси учун курашаётган боксчимиз, турнирдаги дастлабки баҳсини литвалик Дариус Воиснаровичга қарши олиб боради.

Вакилларимиз иштирокидаги сўнги баҳсни эса Руслан Абдуллаев якунлаб беради. -63,5 кг вазнда рингга кўтарилаётган боксчимизнинг бу сафарги рақиби, Пуерто-Риcо вакили Хосе Адриел Диаз Родригуез бўлади.

Жанглар Тошкент вақти билан таҳминан 20:30 да старт олади.