10 апр 08:45
Янгиликлар

Оғир атлетика

Бугун Жаҳон Кубогида Олимпиада чемпиони Акбар Жўраев ва яна икки атлетимизга мухлислик қиламиз

Шу кунларда Таиланднинг Пхукет шаҳри оғир атлетика бўйича катталар ўртасидаги Жаҳон Кубогига мезбонлик қилмоқда.

Бугун мусобақанинг навбатдаги куни уч нафар оғир атлетикачимиз юртимиз спорт шарафини ҳимоя қилади. Асосий эътиборимиз Олимпиада чемпиони Акбар Жўраевга қаратилади. У -109 кг вазн тоифасидаги баҳсларда супачага чиқади. Шунингдек, бу вазнда яна бир ҳамюртимиз Шарофиддин Амриддинов ҳам ўз имкониятини синаб кўради.

Аёллар ўртасида -89 кг вазн тоифасида Турсуной Жабборова ҳам бугун медаллар ҳамда Париж-2024 Олимпиадаси йўлидаги қимматли рейтинг очколари учун баҳсларга киришади. Жабборова иштирокидаги баҳс Тошкент вақти билан соат 14:00, Шарофиддин Амриддинов ҳамда Акбар Жўраевнинг чиқиши эса тахминан соат 17:00 га тўғри келмоқда.