Бугун Жавоҳир Синдаров Tepe Sigeman 2025 чемпиони бўлиши мумкин + ФОТО

Айлана тизимда ўтказилаётган ушбу нуфузли мусобақада ҳамюртимиз Жавоҳир Синдаров ҳам муваффақиятли тарзда иштирок этяпти. Мамлакатимизнинг иккинчи рақамли шахматчисидан ташқари яна етти нафар гроссмейстер совринли ўринлар учун кураш олиб бормоқда.  

Кеча турнирда 6-тур учрашувлари ўтказилди. Синдаров оқ доналарда швециялик гроссмейстер Нилс Гранделиус билан дуранг ўйнади. Шунга қарамай, шахматчимиз 4 очко билан турнир жадвалида якка пешқадам бўлиб турибди. Туркиялик Ягиз Эрдогмус 3,5 очко билан иккинчи поғонадан жой олган. Тўрт нафар иштирокчи ҳисобида 3 тадан очко бор. 

6-тур натижалари:

Жавоҳир Синдаров (Ўзбекистон) – Нилс Гранделиус (Швеция) 1/2-1/2

Тань Чжунъи (Хитой) – Эрвин Л`Ами (Нидерландия) 1/2-1/2

Ягиз Эрдогмус (Туркия) – Рэй Робсон (АҚШ) 1/2-1/2

Ричард Раппорт (Венгрия) – Василий Иванчук (Украина) 1-0 

Бугун сўнгги турда Жавоҳир Синдаров украиналик шахмат афсонаси Василий Иванчукка қарши қора доналарда ўйнайди. Ушбу баҳс турнирда ким чемпион бўлишини аниқлаб беради. Агар Жавоҳир ғалаба қозонса, бошқа учрашувлар натижасидан қатъи назар, чемпион бўлади. Дуранг натижа ҳам унга тай-брек орқали чемпионлик учун курашни давом эттириш имкониятини беради.

7-тур жуфтликлари:

Василий Иванчук (Украина) – Жавоҳир Синдаров (Ўзбекистон) 

Рэй Робсон (АҚШ) – Ричард Раппорт (Венгрия)

Эрвин Л`Ами (Нидерландия) – Ягиз Эрдогмус (Туркия) 

Нилс Гранделиус (Швеция) – Тань Чжунъи (Хитой) 

Бугунги ўйинлар бизнинг вақт билан соат 15:00'да бошланади.