Бугун кичик жаҳон чемпионати старт олади, илк куннинг ўзида икки Олимпиада чемпионимиз рингга чиқади

Ўз тарихида 76-маротаба ташкил этилаётган ушбу мусобақа кичик жаҳон чемпионатига тенглаштирилади. Турнирда дунёнинг энг кучли бокс мамлакатлари қатнашади, табиийки улар орасида Ўзбекистон терма жамоасининг тўлиқ таркибдаги чарм қўлқоп усталари ҳам бор. 

Эътиборлиси, бугун биринчи кунги баҳсларнинг ўзида икки нафар Париж-2024 Олимпиадаси чемпионларимиз - Абдумалик Ҳалоков ва Асадхўжа Мўйдинхўжаев ўз юришини бошлайди. Уларнинг ҳар иккиси ҳам қозоғистонлик боксчиларга қарши рингга кўтарилишади.  

Ҳалоков бизнинг вақт билан соат 17:30да бошланадиган жангда Серик Темиржанов билан ҳисоб-китоб қилади. Мўйдинхўжаев соат 19:00да Торехан Сабирханни синовдан ўтказади. Ёшлар ўртасида жаҳон чемпиони Самандар Олимов ирланлиялик Адам Хессионга қарши жанг ўтказади.