Бугун лицензион турнирда 4 боксчимизга мухлислик қиламиз

Бугун мусобақа доирасида 4 нафар боксчимиз навбатдаги жангларини ўтказишади. Улардан дастлаб -66 кг вазнда Навбаҳор Ҳамидова нидерландиялик Луна Амаро Беелоога қарши рингга кўтарилади. Ушбу жанг бизнинг вақт билан тахминан соат 17:45 да бошланади. Ҳамидова илк босқичда грециялик Параскеви Мавромматини мағлубиятга учратган эди. 

Навбаҳорнинг жангидан ярим соатлар ўтиб, -75 кг вазндаги боксчимиз Азиза Зокирова ўзининг иккинчи жангида украиналик Каролина Махо билан тўқнаш келади. Бу жангнинг 18:15 дан кейин бошланиши белгиланган.  

-92 кг вазн тоифасида юртимиз шарафини ҳимоя қилаётган Лазизбек Муложонов соат 19:15 да тоголик боксчи Кевин Куаджовини синовдан ўтказади. 

Боксчиларимизнинг бугунги иштирокини ярим тунда Руслан Абдуллаев якунлаб беради. -63,5 кг вазндаги чарм қўлқоп устамиз косоволик Шпетим Бажокуга қарши рингга чиқади. Ушбу жанг соат 00:30 да бошланади.