Бугун "Муҳаммадали Умаров" клуби аъзоси Екатеринбургда рингга кўтарилади + ФОТО

"RCC Boxing Promotions" промоутерлик компанияси томонидан ташкил этилаётган бугунги бокс оқшомида мезбонлардан ташқари Қозоғистон, Камерун ва Украинадан келган чарм қўлқоп усталари ҳам рингга кўтарилади. 

Эътиборлиси, Екатеринбургдаги бокс кечасида ҳамюртимиз Али Турғуналиев ҳам ўз жангини ўтказади. "Муҳаммадали Умаров" спорт клуби аъзоси бўлган Алининг рақиби россиялик Алексей Канюков бўлади. Ушбу спорт клуби Отабек Умаровнинг отаси номига очилган. 

Кеча анъанага кўра бокс кечаси иштирокчиларини тарозидан ўтказиш маросими бўлиб ўтди. Али Турғуналиев 64,8 кг тош босди ва белгиланган вазн меъёрини бажарди.  

Профессионал бокс кечаси Бокс ТВ ва Матч ТВ телеканаллари орқали тўғридан-тўғри намойиш этилади. Жанглар Тошкент вақти билан соат 17:00да бошланиши режалаштирилган.