Бугун Нигина Абдураимова Australian Open турнирида кортга чиқади

Умумий мукофот жамғармаси 51,5 миллион АҚШ долларини ташкил қилувчи Australian Open мусобақасининг аёллар ўртасидаги саралаш баҳсларида ҳамюртимиз Нигина Абдураимова ҳам ўз имкониятини синовдан ўтказади. 

Ҳамюртимиз қуръа натижасига кўра саралашнинг илк даврасида испаниялик Лейре Гормазга қарши кортга чиқади. Ушбу учрашув бизнинг вақт билан соат 11:20да бошланади. Абдураимова WTA рейтингида 180, Гормаз эса 169-ўринни эгаллаб турибди. 

Маълумот учун, ҳам аёллар, ҳам эркаклар яккалик баҳсларида ғалаба қозонадиган теннисчилар қимматли 2000 рейтинг очкоси билан бирга банкдаги ҳисоб рақамларини 2 миллион 54 минг долларга бойитиб оладилар. Асосий давранинг 1-босқичида мағлуб бўлган теннисчи ҳам уйига 75 160 доллар билан қайтади. 

Australian Open турнири ўз тарихида 111-маротаба ўтказиляпти. Рафаэль Надаль (Испания) ва Эшли Барти (Австралия) мусобақанинг амалдаги ғолиблари саналишади.