23 дек 09:44
Янгиликлар

Спорт курашлари

Бугун Ўзбекистон чемпионатида эркин кураш мусобақаси бошланади

Пойтахтимиз эркин ва юнон-рум кураши бўйича катталар ўртасидаги Ўзбекистон чемпионатига мезбонлик қилмоқда.

"Универсал" спорт мажмуасида ўтказилаётган йилнинг сўнгги мусобақасида Қорақалпоғистон Республикаси, барча вилоятлар ҳамда Тошкент шаҳридан 500 нафарга яқин курашчилар тўрт кун давомида медаллар учун кураш олиб боряптилар.

Бугун чемпионатнинг учинчи куни эркин кураш баҳслари старт олади. Бугун 57, 65, 70, 79 ва -97 кг вазн тоифаларида Ўзбекистон чемпионатининг ғолиб ва совриндорлари номи маълум бўлади. Мамлакат чемпионатида Токио Олимпиадаси иштирокчиларининг ҳам қатнашиши беллашувларнинг муросасиз кечишини таъминламоқда.

Бугунги саралаш беллашувлари соат 10:00да, финал баҳслари эса соат 16:00да бошланади.